КЛЕТВИТЕ НА ГОТВАЧОТ И ДРУГИ ГАДОСТИ

Постмодерен во својата брзина, во референците и во концепцијата, длабоко локален во минуциозното познавање на она за што пишува и глобално применлив на било која примитивна средина на овој свет, во којашто, за да се манифестира, на злото му е потребно нешто што на било кој начин е различно. Кога ќе снема нешто такво, тоа се свртува кон најблискиот, за да, кога ќе го уништи и него, на крајот се изеде и себеси. Ние не сме тие коишто ги измислија таквите ужаси, но се покажавме како добри ученици и многу креативни следбеници, било да ги чуваме доказите за сопствените ѕверства во тегла, или на видео запис. Општеството коешто не ги казнува ѕверовите, ќе се претвори во општество со коешто владеат ѕверови.