ИНДИЈА

Враќањето на Александар од Индија

Индија од Флавиј Аријан (II в. н.е) не е голем, но е многу интересен спис, којшто е дел од пообемната аријановата повест за походот на Александар Македонски во Азија. Тој пружа географско-етнографски опис на Индија и на крајбрежјето на Индискиот океан, виден со очите на тогашните патници и од александро­виот адмирал Неарх, којшто со флотата пловел покрај брегот од устието на реката Инд до Персискиот залив. Од извонредно значење како извор на знаење за минатото на тој дел од светот, Индија до денешен ден во себе содржи убавина на живописна и возбудлива приказна за истражувањата на непознатите краишта.